ಏನ ಬೇಡಲಿ?

                                       ಏನ ಬೇಡಲಿ?
               ಏನ ಬೇಡಲಿ ತಂದೆ? ನಿನ್ನಲೆನ ಬೇಡಲಿ ತಂದೆ?
               ಜಗವನು ಕಾಪಿಡುತ ಎಲ್ಲ ಕಡೆ ವ್ಯಾಪಿಸಿರುವ ನಿನ್ನ // ಏನ//

               ಹುಟ್ಟಿನಿಂದಲೇ ನಿನ್ನ ಕರುಣೆಯ ತೋರುತ/
               ಬಾಲ್ಯದಿಂದಲೇ ಭರವಸೆಯ ತುಂಬುತ/
               ಕಾಲಕಾಲಕೆ ಬೇಕುಬೇಡಗಳೆಲ್ಲವ ನೀಡುತ/
               ನಿನ್ನಯ ಕೃಪೆಯಲ್ಲಿ ಬೆಳೆಸುತಿರುವಾಗ ನಿನ್ನ/ // ಏನ//

               ಮಾಡಿದ ಕರ್ಮವ ತುಲನೆ ಮಾಡಿ/
               ನಿಷ್ಕರ್ಷೆಯಲಿ ಭುವಿಗೆ ಕಳುಹಿದೆ/
               ಕರುಣಾಸಿಂಧು ಜಗದಾ ಬಂಧು/
               ಕ್ರಮಿಸುವ ನನ್ನ ದಾರಿಯ ತೋರುತಲಿರುವಾಗ/ // ಏನ//

               ಉದಾರಚರಿತ ಚಿನ್ಮಯ ಮೊರುತಿ ನಿನ್ನಲಿ/
               ಭಕ್ತಿಯನಿತ್ತು ತೃಪ್ತಿಯ ಪಟ್ಟಿರುವೆ/
               ಬೇಡದೆ ಎಲ್ಲವ ನೀಡಿದ ನಿನ್ನಲಿ/
               ಭಕ್ತಿಯ ತೋರದೆ ಶ್ರದ್ದೆಯ ಇರಿಸದೆ ಮತ್ತೆ/ // ಏನ//

               ಹೆಚ್ ಏನ್ ಪ್ರಕಾಶ್
               18 ನವೆಂಬೆರ್ 2011