ಎಲ್ಲಿ ಬರೆಯಲಿ?
" ಪ್ರಿಯೆ, ನಿನ್ನ ಹೆಸರನ್ನ ಕೈಯಿನ ಮೇಲೆ ಹಚ್ಚೆ ಹಾಕಿಸಲೋ, ಎದೆಯಮೇಲೆ ಹಚ್ಚೆ ಹಾಕಿಸಲೋ? "
" ಪ್ರಿಯಾ! ಅಲ್ಲಿ ಇಲ್ಲಿ ಹಚ್ಚೆ ಹಾಕಿಸಿಕೊಂಡು ನೀನು ನೋವು ಯಾಕೆ ತಿನ್ನಬೇಕು? ನಿನ್ನ ಆಸ್ತಿ ಪತ್ರದ ಮೇಲೆ ಸಿಂಪಲ್ಲಾಗಿ ಪೆನ್ನಲ್ಲಿ ನನ್ನ ಹೆಸರು ಹಾಕಿಸು, ಸಾಕು!"
ಖರ್ಚು ಎಷ್ಟು?
" ಅಪ್ಪಾ, ನಿಮ್ಮ ಮದುವೆಗೆ ಎಷ್ಟು ಖರ್ಚಾಗಿರಬಹುದು? "
" ಇನ್ನು ಫೈನಲ್ಲಾಗಿ ಸೆಟ್ಲ್ ಆಗಿಲ್ಲ."
" ಅಂದ್ರೆ, ಮದುವೆ ಸಾಲ ಇನ್ನು ಇದೆಯಾ? "
" ಇಲ್ಲಾ, ಮದುವೆ ಮಾಡಿಕೊಂಡಿದ್ದಕ್ಕೆ ಲೆಕ್ಕ ಇಲ್ಲದ ಸಾಲಾನ ಇನ್ನು ನಾನು ತೀರಿಸ್ತಾನೆ ಇದ್ದೀನಿ."
ಖಂಡಿತ ಹೋಗೋಲ್ಲ
" ಇವತ್ತು ಪೋಸ್ಟ್ ಮಾಡಿದರೆ ನಾಳೆ ಮೈಸೂರಿಗೆ ಹೋಗುತ್ತಾ? " ಎಂದು ಪೋಸ್ಟ್ ಮಾಸ್ತ್ರನ್ನ ಕೇಳಿದ. ಅಂಚೆ ಕವರ್ ನೋಡಿದ ಪೋಸ್ಟ್ ಮಾಸ್ಟರ್ " ಖಂಡಿತಾ ಇಲ್ಲ" ಎಂದು ಖಡಾ ಖಂಡಿತವಾಗಿ ಹೇಳಿದರು.
" ಏಕೆ ಹೋಗೋಲ್ಲ? ನಾಳೆ ಈ ಪತ್ರ ಮೈಸೂರಿಗೆ ಸೇರಲೇ ಬೇಕು." ಎಂದು ಜಬರದಸ್ತಿನಲ್ಲಿ ಅಂದ
" ಹೇಳಿದೆನಲ್ಲ, ಖಂಡಿತಾ ಹೋಗೋಲ್ಲ " ಎಂದ ನಿರಾಳವಾಗಿ.
" ಯಾಕ್ರೀ ಹೋಗೋಲ್ಲ? " ಎಂದ ಸಿಟ್ಟಾಗಿ.
" ಯಾಕಂದ್ರೆ, ನೀವು ಬರೆದಿರೋ ವಿಳಾಸ ಧಾರವಾಡದ್ದು!!!!!!"
ನರಕಕ್ಕೆ!!!!
" ನೀನು ಸ್ವರ್ಗಕ್ಕೆ ಹೋಗ್ತಿಯೋ ನರಕಕ್ಕೆ ಹೋಗ್ತಿಯೋ? " ಎಂದು ಯಮ ಭಟರು ಗುಂಡನ್ನ ಕೇಳಿದರು.
" ನನ್ನ ಹೆಂಡ್ತಿ ಎಲ್ಲಿದಾಳೆ ಅಂತ ಸ್ವಲ್ಪ ಹೇಳ್ತೀರಾ? " ಎಂದು ತುಂಬಾ ಉತ್ಸುಕನಾಗಿ ಕೇಳಿದ.
" ಆಕೆ ಸ್ವರ್ಗದಲ್ಲಿ ಇದ್ದಾಳೆ " ಎಂದರು ಯಮ ಭಟರು
" ಹಾಗಾದರೆ ನನ್ನನ್ನ ನರಕಕ್ಕೆ ಕಳುಹಿಸಿಬಿಡಿ." ಎಂದು ಗುಂಡ ಅಂಗಲಾಚಿದ .
ಬಿಡಿ ಬಿಡಿ ನಕ್ಕು ಬಿಡಿ ಕಳುಹಿಸಿಬಿಡಿ :-)
ReplyDelete